भरतपुर, ३ चैत(कायाकैरन) बीपी कोइराला मेमोरियल क्यान्सर अस्पतालका मेडिकल अंकोलोजिस्ट डा.जया श्रेष्ठले साइकल चलाउन थालेको ४० वर्ष भयो । ५५ वर्षीय डा.श्रेष्ठ अहिले पनि सामान्य काममा गाडीको प्रयोग गर्दिनन् । मिलेसम्म साँझ–विहान साइकल चलाउँछिन् । साइकल चलाउँदा उनलाई आनन्द महसुस हुन्छ । डा.श्रेष्ठका अनुसार साइकल चलाउने व्यक्तिलाई रक्तचाप, मधुमेह तथा मुटुको समस्या कम हुन्छ । रोग प्रतिरोध क्षमता बढी हुन्छ । जसले गर्दा क्यान्सर रोगसमेत निको हुने उनी बताउँछन् । “नेपालमा अहिले कोरोना भइरसको हल्ला व्यापक छ”, डा.श्रेष्ठ भन्छन्, “जोसँग रोग प्रतिरोधी क्षमता छैन, उसलाई भाइरसले छिटो आक्रमण गर्छ । साइकल चलाउने व्यक्तिमा त्यो क्षमता बढी हुने भएकाले भाइरसले आक्रमण गर्न सक्दैन ।” वातावारण संरक्षणसम्बन्धी अभियानमा सक्रिय रहँदै आएका श्रेष्ठ साइकलको प्रयोगले वातावरणमा समेत सकरात्मक असर पार्ने बताउँछन् । Advertisement चितवन साइकल राइडर्स क्लबले चितवनमा साइकलको प्रवद्र्धनका लागि विभिन्न गतविधिहरु गर्दै आएको छ । उक्त क्लबका अध्यक्ष नवीन खरेललाई विगतमा नसाको समस्या थियो । साइकलको प्रयोग बढाउँदै गएपछि उनको यो समस्या समाधान भएको छ । “नसाको समस्या लिएर धेरै अस्पताल चाहारें । धेरै डाक्टरलाइै भेटें । तर, कसैको उपचारले ठीक गरेन”, खरेलले सुनाए, “केही डाक्टरले योगा र थेरापी गरे निको हुन्छ भनेपछि मैले साइकल चलाउँदा ठीक हुन्छ कि भनेर चलाउन सुरु गरें ।” साइकल चलाउन थालेपछि नसाको समस्या विस्तारै कम हुँदै गएको उनले बताए । भने, “डाक्टरले नै जीवनभर झोला पनि बोक्न सक्दैनौं भन्थे, तर साइकलले समस्या समाधान भयो, अहिले पहिलेको कुनै समस्या छैन ।” क्लबका उपाध्यक्ष पदमबहादुर बानियाँको दुर्घटनामा परेर हाडजोर्नीमा समस्या भएको थियो । त्यसपछि उनले पनि नियमितरुपमा साइकल चलाउन थाले । यसले उनलाई राहत दिइरहेको छ । क्लबका कोषाध्यक्ष रामचन्द्र सुवेदीको हाडजोर्नीको समस्या पनि साइकल चलाएरै निको भएको छ । उनी भन्छन्, “साइकल चलाउँदा फाइदा नै फाइदा छ ।” साइकल राइडर्स क्लबका सचिव धर्मराज सापकोटा विश्वव्यापीरुपमा कोरोना भाइरसको महामारी बढ्दै जाँदा साइकल पनि भाइरसको संक्रमणबाट बच्ने एउटा माध्यम हो भन्ने चेतना सर्वसाधारणमा पुग्नु ...