काठमाडौं । नेपाली बजारमा इलेक्ट्रीक सवारीसाधनको प्रयोग बढ्दै गएसँगै उत्पादन गर्ने कम्पनीहरु पनि स्थापना हुन सुरु भएका छन् । यस्तोमा नेपालमै एसेम्बल प्लान्ट लगाएर चिनियाँ ब्राण्ड जुलुनको दुईपांग्रे तथा तीनपांग्रे इलेक्ट्रीक सवारीसाधनको एसेम्बल सुरु भएको छ ।  वीरगंज–पथलैयाको परवानीपुरमा चिनियाँ लगानीको विद्युतीय सवारी एसेम्बल प्लान्टमा स्कुटर र इ–रिक्सा एसेम्बल सुरु भएको हो ।नेपाल जायन्ट कार इन्डस्ट्री प्रालिको नामका उद्योग विभागमा दर्ता रहेको उक्त कम्पनीले  गत जेठदेखि सवारी साधन एसेम्बल गर्ने काम सुरु गरेको हो ।हाल उद्योगमा जुलुन ब्रान्डको एक लाख २५ हजार पर्ने स्कुटर तथा अढाई लाख पर्ने मोटरसाइकल एसेम्बल भइरहेको छ । निकट भबिष्यमा नै कम्पनीले विद्युतीय रिक्सा पनि एसेम्बल गर्ने जनाएको छ । कम्पनीले काठमाडौको रातोपुलमा यसको शोरुममार्फत बिक्री वितरण समेत गरिरहेको जनाएको छ ।नेपाल सरकारले इलेक्ट्रीक गाडीहरूको आयात र एसेम्बलमा सकारात्मक कदम चालेपछि नेपाली तथा विदेशी लगानीकर्ताले नेपालमा इलेक्ट्रोनिक्स गाडीको कारोबारमा चासो देखाउन थालेका छन् । हाल उद्योग विभागमा नेपालमा अटोमोवाइल्स उद्योग तथा एसेम्बल प्लान्ट लगाउनका लागि २० वटा कम्पनी दर्ता भइसकेको छन् । यी मध्ये केहिले एसेम्बलसमेत सुरु गरिसकेको छन् ।